Бухоро вилояти ҳокимлиги раҳбарияти
Банк соҳасида тажриба орттирган Ботир Зарипов вилоятни кимлар билан бирга бошқаряпти?
Жорий йил 7 ноябрда президент томонидан номзоди тақдим этилган Ботир Зарипов Халқ депутатлари Бухоро вилоят кенгаши қарори билан вилоят ҳокимлигига тасдиқланди.
Ҳоким Ботир Зарипов 1969 йилда Ғиждувон туманида туғилган. Банк соҳасида турли лавозимларда ишлаган. 2016-2020 йилларда республика қурилиш материаллари саноатини бошқарган.
Бундан ташқари, Марказий банкда турли лавозимларда меҳнат қилган. "Агробанк" АТБ бошқаруви раисининг биринчи ўринбосари ҳам бўлган.
2020 йил август ойи охирларида Бухоро вилояти ҳокими вазифасини бажарувчи Карим Камолов 66 ёшида вафот этган эди. Ва шу йили 7 ноябрда Ботир Зарипов унинг ўрнига тайинланган.
2021 йил февралда Ботир Зарипов Олий Мажлис Сенати аъзоси этиб сайланган.
Қолган тафсилотлар билан видеода танишиш мумкин.
Ҳоким ўринбосарлари
Аҳмедов Ботир Илҳомович – ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари 1982 йил 12 июнда Вобкент туманида туғилган. Жаҳон иқтисодиёти ва дипломатия университети ҳамда Тошкент давлат иқтисодиёт университети (магистратура)ни тугатган.
Шахриёров Ботир Завқиддинович – ҳокимнинг туризм, маданият, маданий мерос ва оммавий коммуникациялар масалалари бўйича ўринбосари 1971 йилда Ғиждувон туманида туғилган. Тошкент давлат техника университети, Тошкент давлат иқтисодиёт университети магистратураси, Ўзбекистон миллий университетини тамомлаган.
Арашов Жалол Самандарович – ҳокимнинг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари 1988 йил 6 октябрда Қоракўл туманида туғилган. Тошкент архитектура ва қурилиш институтини тугатган.
Адилов Бахтиёр Алишерович – ҳокимнинг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари 1986 йилда Бухоро шаҳрида туғилган. Бухоро давлат университетини битирган.
Назаров Амрилло Ибрагимович – ҳокимнинг қишлоқ ва сув хўжалиги масалалари бўйича ўринбосари 1966 йил Ромитан туманида туғилган. Андижон пахтачилик институтини тугатган. Бухоро вилояти Пешку тумани ҳокими бўлган.
Асадов Ризо Раупович – ҳоким ўринбосари – вилоят инвестициялар ва ташқи савдо бошқармаси бошлиғи 1979 йил Бухоро шаҳрида туғилган. Тошкент молия институти, Ғарбий Англия университетини тугатган.
Мажидов Эркин Аъзамович – ҳокимнинг жамоат ва диний ташкилотлар билан алоқалар бўйича ўринбосари 1977 йил Бухоро туманида туғилган.
Артикова Ҳафиза Тўймуродовна – ҳоким ўринбосари – оила ва хотин-қизлар бошқармаси бошлиғи 1976 йилда Бухоро туманида туғилган. 1997йилда Бухоро давлат университетини битирган. Биология фанлари доктори, профессор.
Вазирликлар раҳбарияти билан бу ерда танишиш мумкин.
