Сурхондарё вилояти ҳокимлиги раҳбарияти
Энг ғалвали, кадрлар қўнимсизлиги кўп учрайдиган ҳудудни кимлар бошқаряпти?
Қосимов Улуғбек Бердиқобилович 1983 йилда туғилган, 2005 йилда Самарқанд давлат университетини тамомлаган. У фаолияти давомида Сурхондарё вилояти Қумқўрғон тумани прокурори, Музработ ва Денов туманлари ҳокими, вилоят прокурори сифатида ишлаган. 2019-2021 йилларда Фарғона вилояти прокурори бўлган. 2021-2022 йилларда Тошкент шаҳар прокурори бўлиб меҳнат қилган. 2022 йил декабр охирида Сурхондарё вилояти ҳокими вазифасини бажарувчиси этиб тайинланганди. 2023 йилдан бошлаб Сурхондарё вилояти ҳокими бўлиб келмоқда.
Бошқа тафсилотлар билан юқоридаги видеода танишинг.
Ҳоким ўринбосарлари
Ражабов Шерзод Абдимуратович – ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари 1984 йил Қизириқ туманида туғилган. Термиз давлат университетини ва Тошкент давлат иқтисодиёт университетини тамомлаган.
Жўраев Шерали Холмаҳамадович – ҳоким ўринбосари – вилоят инвестициялар, саноат ва савдо бошқармаси бошлиғи 1984 йил Олтинсой туманида туғилган. Термиз давлат университетини, Давлат бошқаруви академиясини тамомлаган.
Амиров Алишер Хуррамович – ҳокимнинг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари 1977 йил Бойсун туманида туғилган. Тошкент автомобил йўллари институтини, Давлат бошқаруви академиясини тамомлаган.
Сапаров Илҳом Очилович – ҳокимнинг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари 1975 йил Термиз туманида туғилган. Термиз давлат университетининг бакалавр, магистр йўналишларини тугатган.
Тўраев Жўрабек Абдуллаевич – ҳокимнинг туризм, спорт, маданият, маданий мерос ва оммавий коммуникациялар масалалари бўйича ўринбосари – вилоят туризм ва спорт бош бошқармаси бошлиғи 1984 йил Бойсун туманида туғилган. Термиз давлат университети, Давлат бошқаруви академиясини тамомлаган.
Абдурахманов Абдурасул Носиржон ўғли – ҳокимнинг жамоат ва диний ташкилотлар билан алоқалар бўйича ўринбосари 1990 йил Наманган вилояти Чортоқ туманида туғилган. Давлат хавфсизлик хизмати институтини тамомлаган.
Хидирова Зулхумор Абдирашидовна – ҳоким ўринбосари – Оила ва хотин-қизлар бошқармаси бошлиғи 1968 йилда Шўрчи туманида туғилган. Термиз давлат университетини тамомлаган.
Исмоилов Фарходжон Вохобович – ҳокимнинг қишлоқ ва сув хўжалиги масалалари бўйича ўринбосари 1970 йил Фарғона вилояти Қува туманида туғилган. Фарғона политехника институтини, Тошкент давлат юридик институтини тамомлаган.
Вазирликлар раҳбарияти билан бу ерда танишиш мумкин.
