Тошкентда яна 4 киши қўлга олинди
Улар Жиноят кодексининг 165-моддаси 3-қисми (жуда кўп миқдорда товламачилик), 168-моддаси 4-қисми (жуда кўп миқдорда фирибгарлик) билан тергов қилинаётган жиноят иши доирасида ушланди.
Жамият
11 декабрь 2023 йил
Тошкент шаҳрида товламачилик ва фирибгарлик, гиёҳванд моддалар сақлаш айби билан яна 4 киши қамоққа олинди.
- 1980 й.т. Н.Б.Т. (Жиноят кодекси 165-модда 2-қисми, бир гуруҳ шахслар томонидан товламачилик);
- 1991 й.т. Х.С.Р. (Жиноят кодекси 165-модда 3-қисми, жуда кўп миқдорда товламачилик);
- 1964 й.т. Қ.Ш.Х. (Жиноят кодекси 168-моддаси 4-қисми, жуда кўп миқдорда фирибгарлик);
- 1971 й.т. Ш.Р.Ф. (Жиноят кодекси 273-моддаси 5-қисми, жуда кўп миқдорда гиёҳвандлик воситасини ўтказиш).
Аввалроқ Тошкентда "Салимбой" номи билан танилган Салим Абдувалиев, “Сайидазиз медгородок”, “Бахти Ташкентский” ва унинг Фарғонадаги шериги, Тошкентда яна 10 киши ва зўравонликда айбланиб Б.Б.А. (1985 й.т.) қўлга олинган эди. Шунингдек, "тозалаш" ишлари Самарқанд, Фарғона, Андижон ва Наманганда ҳам бошлаб юборилган.
