Тошкентда автобус ҳайдовчиси бахтсиз ҳодиса қурбони бўлди
Ҳайдовчи йўловчиларни автошоҳбекатда тушириб, автобусни тўхтатган вақтида техник қоидаларга амал қилмаслик оқибатида транспорт воситасининг қўл тормозини фаоллаштирмаган. Автобусни тўхтатишга уринган вақтида ҳайдовчи Ж.З. унинг остида қолган.
Тошкент шаҳрида 2026 йил 7 ноябрь куни 82-сонли йўналишдаги автобус ҳайдовчиси билан ўлим билан якунланган бахтсиз ҳодиса содир бўлди. Бу ҳақда “Тошшаҳартрансхизмат” АЖ ахборот хизмати хабар берди.
Маълум қилинишича, ҳодиса 82-сонли автобус йўналишида фаолият юритувчи ҳайдовчи Ж.З. билан юз берган.
Ҳайдовчи йўловчиларни автошоҳбекатда тушириб, автобусни тўхтатган вақтида эҳтиётсизлик ва техник қоидаларга амал қилмаслик оқибатида транспорт воситасининг қўл тормозини фаоллаштирмаган ҳамда ўзи автобусни тарк этган.
Оқибатда автобус ўз-ўзидан ҳаракатлана бошлаган. Буни кўрган заҳоти транспорт воситасини тўхтатишга уринган вақтида ҳайдовчи Ж.З. автобус остида қолган ва вафот этган.
Аввалроқ Тошкентда йўловчи автобуси ёниб кетганди.
