Тошкентда автобусларга қоидабузарликларни қайд этувчи камералар ўрнатилади
1 ноябрдан эса автобуслар учун ажратилган "А" йўлакларида ноқонуний ҳаракатланаётган ва тўхтаётган автомобилларга қарши рейдлар кучайтирилади.
Тошкентда автобусларга қоидабузарликларни қайд этувчи камералар ўрнатилади. Бу ҳақда Тошкент шаҳар халқ депутатлари Кенгашининг тегишли қарорида белгиланган.
15 декабрга қадар автобусларнинг олд қисмига махсус видеокамералар ўрнатиш режалаштирилган. Улар ҳаракат вақтида йўл қоидалари бузилишини автоматик тарзда қайд этиб боради.
1 ноябрдан эса автобуслар учун ажратилган "А" йўлакларида ноқонуний ҳаракатланаётган ва тўхтаётган автомобилларга қарши рейдлар кучайтирилади.
Автобус ва велосипед йўлакларига ноқонуний чиқиш, шунингдек, уларда тўхташ қоидабузарлик ҳисобланади. Ҳайдовчилар камера ёзувлари асосида жаримага тортилиши мумкин.
Камералар Йўл ҳаракати хавфсизлиги бошқармасининг ягона базасига интегратсия қилиш режалаштирилган.
Шунингдек, 1-ноябрдан жамоат транспорти учун ажратилган “А” йўлакларда енгил ва шахсий автомобилларнинг ноқонуний ҳаракатланиши ҳамда тўхташига қарши доимий рейдларни кучайтириш топширилган.
