Самарқандда ҳам бир гуруҳ зўравонлар қўлга олинди

Самарқанд вилоятида ҳам “Долзарб 40 кунлик” махсус профилактик тадбирлари доирасида жиноий гурухларга аъзо бўлган, ижтимоий мухитга салбий таъсирини ўтказишга уринган бир неча шахслар қўлга олинди.

Хусусан, 47 нафар жиноий гуруҳ аъзолари қўлга олиниб, уларнинг 6 нафарига нисбатан жиноят иши қўзғатилди, 25 нафари маъмурий тартибда қамоққа олинди.

Рейд тадбирлари давомида, ушбу шахслардан гиёхвандлик ва психотроп воситалар, совуқ қуроллар (кастет, бита ва б.) процессуал тартибда расмийлаштирилди.

Аввалроқ Тошкентда "Салимбой" номи билан танилган Салим Абдувалиев, “Сайидазиз медгородок”, “Бахти Ташкентский” ва унинг Фарғонадаги шериги, Тошкентда яна 10 киши ва зўравонликда айбланиб Б.Б.А. (1985 й.т.) қўлга олинган эди. Шунингдек, "тозалаш" ишлари Фарғона, Андижон ва Наманганда ҳам бошлаб юборилган.