Улар туман ҳокимлиги захирасида бўлган 50 сотих ер майдонини онлайн аукцион савдолари орқали арзон нархда фуқаро номига ютиб бериш эвазига 100 минг АҚШ доллари талаб қилишган.
Ҳозирда 837 нафар фуқаронинг электрон меҳнат дафтарчадаги ноқонуний маълумотлари ўчирилиши таъминланган.
Андижон вилояти Марҳамат туманидаги “Марҳамат агропилла” МЧЖ раҳбари ҳамда туман камбағалликни қисқартириш ва бандликка кўмаклашиш бўлими бошлиғи ўринбосари 837 кишини фақат қоғозда ишли қилган.
Ҳолат сабаб ўқувчиларнинг ота-оналарига нисбатан ЎзМЖТКнинг 47-моддасини қўлланиши белгиланди. Мазкур синф раҳбари ҳам вазифасидан озод этилди.
Тупроқ ортилган «HOWO» русумли юк машинасининг тормоз тизимида носозлик юзага келган. Оқибатда ҳайдовчи транспорт воситаси бошқарувини йўқотган ва бир неча машина билан тўқнашган.
Андижондаги давлат ташкилотларини Бобур шаҳрига кўчириш ҳисобига бўшайдиган бино ва майдонлар савдо ҳамда хизматлар соҳасини ривожлантиришга йўналтирилади. 30 та маъмурий бинони кўчириш орқали бизнес учун 70 минг квадрат метр жой бўшайди. Бунинг ҳисобига қўшимча 1 млрд доллар инвестиция жалб қилиш ва камида 20 минг иш ўрни яратиш имконияти бор.
Президент электроника, электромеханика ва муҳандислик хизматлари занжирини йўлга қўйиш муҳимлигини таъкидлади. Келгуси йил вилоятда камида 10 фоиз иқтисодий ўсишни таъминлаш, 5 миллиард доллар инвестиция жалб қилиш ва экспортни 1,5 миллиард долларга етказиш вазифаси қўйилди.
Сўнгги ўн йилда вилоятга республика бюджетидан 20 триллион сўм, банклар томонидан тадбиркорлик учун 90 триллион сўм йўналтирилди. Биргина жорий йилда аҳоли фаровонлигини оширишга 6 триллион сўм ажратилди. Ҳокимларга берилган ваколатлар ва яратилган молиявий имкониятлар шунга муносиб натижага айланиши зарурлиги кўрсатиб ўтилди.
Президент кўча бўйлаб сайр давомида аҳоли ва тадбиркорлар билан самимий мулоқот қилди.
Мазкур паррандачилик кластерига 2010 йилда асос солинган. Бугунги кунда унинг Андижон вилоятида 5 та, Наманган вилоятида 3 та хўжалиги мавжуд. Тошкент вилоятидаги корхонада эса паррандалар учун озуқа ишлаб чиқарилади. Кластерда озуқа тайёрлаш, парранда боқиш, сўйиш, гўштни қайта ишлаш, қадоқлаш ва истеъмолчига етказиб беришни қамраб олган тўлиқ ишлаб чиқариш занжири яратилган.
“Huawei” компанияси билан ҳамкорликда ишлаб чиқарилаётган 5G технологияси асосидаги “ақлли” ҳисоблагичлар сув сарфи ва сифати, қурилмаларнинг техник ҳолати ҳамда балансни онлайн кузатиш имконини беради. Корхонада йилига 15 турдаги 1 миллион дона “ақлли” сув ҳисоблагич ишлаб чиқарилади.
Президентимиз рамзий тугмани босиб, 98 та янги лойиҳани ишга туширди. Лойиҳалар энергетика, қурилиш, тўқимачилик, машинасозлик, таълим, туризм, логистика, фармацевтика ва соғлиқни сақлаш каби соҳаларни қамраб олади.
