Болалар ўлимига сабабчи компания яна дори чиқаришни бошлади
Эслатиб ўтамиз, Ўзбекистонда доридан оммавий заҳарланиш 2022 йил декабрда содир бўлганди.
Ҳиндистоннинг Уттар-Прадеш штати ҳукумати йўталга қарши сироплар ишлаб чиқарадиган Marion Biotech заводида ишлаб чиқаришнинг асосий қисмини қайта тиклашга рухсат берди. Компания ишлаб чиқарган сироп 2022 йилда Ўзбекистонда 65 нафар боланинг ўлимига сабаб бўлганди, деб ёзади Reuters.
Компания Жаҳон соғлиқни сақлаш ташкилоти (ЖССТ) ва бошқа идоралар томонидан йўтал сироплари Ўзбекистон, Гамбия ва Камерунда 141 боланинг ўлимига алоқадор бўлган учта ҳинд ташкилоти қаторига киради. Бу заҳарланишнинг дунёдаги энг ёмон тўлқинларидан бирига айланди.
"Компания томонидан ишлаб чиқарилган бошқа дори-дармонларни сифатсиз ишлаб чиқариш ҳолатлари маълум эмас", дейди Marion Biotech жойлашган давлат дори-дармонларни назорат қилиш агентлиги. Ушбу бўлим 2023 йил март ойида компания лицензиясини бекор қилганди.
Наркотик моддаларни назорат қилиш вакили корхонанинг мурожаати қисман қаноатлантирилгани, пропилен гликол (ПГ) қўлланган маҳсулот ишлаб чиқаришга берилган рухсатнома бекор қилингани, қолган барча маҳсулотларни ишлаб чиқариш ва сотишга рухсат берилгани ҳақида маълум қилди.
Корхонанинг Уттар-Прадеш штатидаги заводи Ўзбекистон соғлиқни сақлаш вазирлиги компаниянинг иккита йўтал сиропи – Aмбронол ва ДОК-1 Максни 2023 йилда текширгач, март ойида ёпилганди.
Ўзбекистон прокуратураси Marion компаниясининг сифатсиз сиропларини тарқатувчилари мажбурий текширув ўтказмаслик учун мансабдор шахсларга 33 минг доллар пора берганини маълум қилди. Ҳозирда 21 киши судланганмоқда - 20 нафар ўзбекистонлик ва бир нафар ҳиндистонлик.
Эслатиб ўтамиз, Ўзбекистонда доридан оммавий заҳарланиш 2022 йил декабрда содир бўлганди. Дастлаб 20 нафар бола вафот этгани айтилди, кейин бу рақамлар уч баробарга ошди.
