"Док-1 Макс" иши айбдорларига ҳукм ўқилди
Ушбу сироп истеъмоли ортидан 65 нафар бола вафот этганди.
Бугун, 26 феврал куни "Док-1 Макс иши” бўйича жиноят иши билан боғлиқ якуний суд мажлиси бошланди.
Эслатиб ўтамиз, мазкур иш доирасида фармацевтика соҳасида фаолият олиб борган 23 нафар шахс суд олдида жавоб берди.
Суд қарорига кўра,айбланучи ҳиндистонлик шахсга 20 йиллик қамоқ жазоси белгиланди.У ҳукмдан сўнг депортация қилинади.
Фармацевтика тармоғини ривожлантириш агентлигининг собиқ раҳбари Сардор Кариев 2 йил 6 ой давлат идораларида ишлаш ҳуқуқидан маҳрум этилиб, 18 йилга озодликдан маҳрум этилди. Унинг ўринбосарлари бўлган Амирхон Азимов ва Нодирбек Мусаевга 16 йилдан озодликдан маҳрум қилиш жазоси тайинланди. Тайинланган жазоларни умумий тартибли колонияларда ўташ белгиланди.
Ушбу сироп истеъмоли ортидан 2022 йил охири 2023 йил бошларида 65 нафар вояга етмаган болалар вафот этганди.
