Жаҳон тиллари университети декани Улуғбек Йўлдошев "Хавфсиз талаба" можароси ортидан ишдан олинди
Университетда талабалар мобил иловани ўрнатмагани учун дарсларга киритилмаётгани видеоси тарқалганди.
“Хавфсиз талаба” можароси ортидан Жаҳон тиллари университети декани Улуғбек Йўлдошев лавозимидан озод этилди.
Ушбу университетда талабалар мобил иловани ўрнатмагани учун дарсларга киритилмаётгани ҳақида хабарлар тарқалганди. Талабларнинг сўзларига кўра, улар 3 ноябрь куни университет эшиги олдида ушлаб қолиниб, ушбу иловани мажбурлаб ўрнатишган.
Таълим ва илм-фан вазирлиги ҳолатни ўрганиш учун ишчи гўруҳ тузган.
