"Барака" иловаси янгиланади
Янгиланган иловада "Молия" ва "Ижтимоий хизматлар" учун алоҳида бўлимлар бўлади. Кўриши заиф фойдаланувчилар учун матн ўлчами, контраст ва экран мавзусини созлаш имконини берувчи махсус режим ҳам қўшилади.
"Барака" иловаси янгиланади. Унда молия ва ижтимоий хизматлар алоҳида бўлимларга ажратилади.
"Барака" мобил иловасининг 3 ноябрда чиқарилиши режалаштирилган янги версияси Самарқанддаги "Болалар фаровонлигига инвестиция" жаҳон саммитида тақдим этилди.
Янгиланган иловада "Молия" ва "Ижтимоий хизматлар" учун алоҳида бўлимлар бўлади. Кўриши заиф фойдаланувчилар учун матн ўлчами, контраст ва экран мавзусини созлаш имконини берувчи махсус режим ҳам қўшилади.
Ҳозир "Барака" картасидан 1,8 миллиондан ортиқ киши фойдаланмоқда. Илова орқали 80 дан ортиқ ижтимоий хизмат ва тўлов учун ариза бериш, 19 турдаги расмий ҳужжатдан электрон шаклда фойдаланиш мумкин.
