Шавкат Мирзиёев Каспийдаги фожиа сабаб Қозоғистон президентига ҳамдардлик билдирди
Ушбу ҳодиса оқибатида жами 14 ҳарбий қурбон бўлганди. Давлатимиз раҳбари ҳалок бўлганларнинг оила аъзолари ва яқинларига сабр-тоқат ва бардамлик тилади.
Шавкат Мирзиёев Қозоғистон президентига ҳамдардлик билдирди.
Ўзбекистон Республикаси Президенти Шавкат Мирзиёев Каспий денгизи ҳудудида машғулотлар пайтида ҳарбий хизматчилар ҳалок бўлгани муносабати билан Қозоғистон Республикаси Президенти Қосим-Жўмарт Тоқаев ва Қозоғистон халқига ҳамдардлик йўллади.
Давлатимиз раҳбари ҳалок бўлганларнинг оила аъзолари ва яқинларига сабр-тоқат ва бардамлик тилади.
Эслатиб ўтамиз, 24 сентябр куни Каспий денгизидаги машғулотлар пайтида 14 нафар қозоғистонлик ҳарбий сувга чўкиб кетиб ҳалок бўлди. Уч киши қутқарилди. 25 сентябр Қозоғистонда миллий мотам куни деб эълон қилинди.
Ҳодиса юзасидан жиноят иши очилди. Бош вазир ўринбосари Қанат Бозумбаев ҳодисанинг барча айбдорлари жазоланишини айтди.
