Қосим-Жўмарт Тўқаев “матбуот эркинлиги кушандалари” рўйхатига киритилди
“Чегара билмас мухбирлар” (RSF) халқаро ташкилоти 2026 йилда журналистлар ва ОАВга босим ўтказган деб ҳисобланган шахслар ҳамда ташкилотлар рўйхатини эълон қилди. Унда Доналд Трамп, Владимир Путин, Илон Маск каби шахслар номи ҳам бор.
Қозоғистон президенти Қосим-Жўмарт Тўқаев “матбуот эркинлиги кушандалари” рўйхатига киритилди.
“Чегара билмас мухбирлар” (RSF) халқаро ташкилоти 2026 йилда журналистлар ва ОАВга босим ўтказган деб ҳисобланган шахслар ҳамда ташкилотлар рўйхатини эълон қилди. Қозоғистон президенти Қосим-Жўмарт Тўқаев ҳам “матбуот эркинлиги кушандалари” қаторидан жой олди.
RSF Тўқаевни “Ҳуқуқ” тоифасига киритган. Ташкилотга кўра, ушбу тоифага журналистлар ва ОАВга қарши асоссиз суд жараёнларидан фойдаланиб, матбуот фаолиятига тўсқинлик қилади деб ҳисобланган шахс ва тузилмалар киритилади.
"Кушандалар" рўйхатига АҚШ президенти Доналд Трамп ҳам киритилган, чунки у "АҚШда журналистикани сиёсий мулоқотга айлантириш мақсадида бир нечта жабҳаларда ҳужум қилган, ҳозирда жаҳон матбот эркинлиги рейтингида 64-ўринни эгаллаган". Шу билан бирга, Россия президенти Владимир Путин "ўз ўрнини мустаҳкам ушлаб турибди". Сиёсий рўйхатга Озарбайжон президенти Илҳом Алиев, Беларус президенти Александр Лукашенко ва "Толибон" етакчиси Ҳайбатуллоҳ Охунзода ҳам киритилган.
Шунингдек, бу йил ўз ўринларини Исроил мудофаа кучлари, Мексика картеллари ва Хитой Коммунистик партияси каби ташкилотлар сақлаб қолишди, улар журналистлар интилишларини зўравонлик билан бостиришнинг нохуш амалиётини давом эттирмоқдалар.
"Биньямин Нетаняҳу ҳукумати Исроил мудофаа кучлари ёрдамида Ғазо сектори, Ғарбий соҳил ва ҳатто Ливандаги журналистларга қарши репрессив сиёсат олиб бормоқда. Си Цзиньпин бошчилигидаги Хитой журналистлар учун дунёдаги энг катта қамоқхона бўлиб қолмоқда. Мексика картелларига келсак, улар бу йил ҳар ой журналистлар ўлдирган ва “тинч” мамлакатда қўрқув муҳитини сақлаб қолишмоқда", деб тушунтирди RSF.
Хавфсизлик агентликлари рўйхатига Буркина-Фасодаги хунта, Саудия Арабистони валиаҳд шаҳзодаси Муҳаммад бин Салмон ва Миср президенти Абдул Фаттоҳ ас-Сиси ҳам киритилган. Унинг режими остида сўнгги бир неча ҳафта ичида Мацдаш веб-сайтида ишлаган журналистлар қамоққа ташланди ва машҳур Mada Masr янгиликлар сайти ёпилди.
Шу билан бирга, иқтисодий категорияда Alphabet ва Meta каби йирик технологик корпорациялар рўйхатга киритилди. "Жамият" категориясида эса Илон Маск салбий рейтингга эга бўлди.
