Президент қисқа муддатли меҳнат таътилига чиқди
Таътил 2025 йил 29 сентябрдан бошланди. Шавкат Мирзиёев январ ойида ҳам таътилга чиққанди.
Ўзбекистон Республикаси Президенти Шавкат Мирзиёев 2025 йил 29 сентябрдан қисқа муддатли меҳнат таътилига чиқди.
Бу ҳақда президент матбуот хизмати хабар берди.
Бир неча кун аввал Шавкат Мирзиёев ҳузурида пахта ҳосили йиғими, куз-қиш мавсумига тайёргарлик ҳолати, инвестиция ва экспорт кўрсаткичлари ижроси ҳамда “Яшил макон” умуммиллий лойиҳаси доирасидаги ишлар таҳлили юзасидан кенгайтирилган йиғилиш бўлиб ўтганди.
Ундан аввал президент тўрт кун давомида АҚШда бўлиб, БМТ сессиясида нутқ сўзлади, қатор учрашувлар ўтказди.
Президент жорий йил январида ҳам қисқа таътилга чиққанди.