Кредитга бериладиган машиналар учун ҳам чегирмалар қабул қилинади
Мазкур амалиёт натижасида кредит ставкаси 4 фоизга арзонлашади.
Эндиликда кредитга бериладиган машиналар учун чегирмалар аамал қилиши мумкин.
Хизматлар кўламини кенгайтириш учун такси агрегаторларидан бири 2 мингта автомобил кредитига кафил бўлиб, 4 минг одамни ишли қилиш таклифи билан чиққан.
Бунинг ҳисобига янги замонавий таксилар кўпаяди. Бундай лойиҳаларга банклар 1 триллион сўм кредит ажратишга тайёр.
Кўплаб автосалонлар автомобиль хариди учун пул тўлиқ тўланса чегирма бермоқда. Лекин амалдаги қоидаларга кўра, кредитга бериладиган автомашина учун бу чегирмани банклар қабул қилмайди.
Ваҳоланки, банкларга чегирма қабул қилишга рухсат берилса, кредит ставкаси 4 фоизга арзонлашади.
Бу чекловни маҳаллий автомашиналар учун бекор қилиш муҳимлиги таъкидланди.
Умуман, бу йил транспорт хизматлари ҳажмини 15 фоизга ошириб, 185 триллион сўмга, экспортини 2,2 миллиард долларга олиб чиқиш зарурлиги кўрсатиб ўтилди.
Аввал Ўзбекистонга кириш учун электрон визани 3 кунда олиш имкони яратилиши маълум қилинганди.
