Ўзбекистонда муаммоли кредитлар 25 трлн сўмдан ошди – Марказий банк
Уларнинг жами кредит портфелидаги улуши эса 3 фоиздан 3,8 фоизга кўтарилди. Сентябрь ойининг ўзидаёқ муаммоли кредитлар 1 трлн сўмга кўпайган.
Ўзбекистонда муаммоли кредитлар 25 трлн сўмдан ошди.
Бу ҳақда Марказий банк маълумотларида айтилади. 2026 йил 1 октябрь ҳолатига тижорат банкларининг жами кредит портфели 659 трлн сўмни ташкил этди.
Муаммоли кредитлар (NPL) ҳажми йил бошидан буён 18,1 трлн сўмдан 25 трлн сўмга етди. Уларнинг жами кредит портфелидаги улуши эса 3%дан 3,8%га кўтарилди.
Сентябрь ойининг ўзида муаммоли кредитлар 1 трлн сўмга кўпайди.
Муаммоли кредитлари энг кўп ошган банклар:
Микрокредитбанк — 601 млрд сўм;
Orient Finans Bank — 312 млрд сўм;
mybank — 196 млрд сўм.
Муаммоли кредитлари энг кўп камайган банклар:
Асакабанк — 97 млрд сўм;
Ўзмиллийбанк — 65 млрд сўм;
Ziraat Bank — 65 млрд сўм.
Йил бошидан бери муаммоли кредитлар ҳажми 38,7%га ошган. Бу банк тизимидаги кредитлар сифатига эътиборни кучайтириш зарурлигини кўрсатади.
