Ўзбекистонда маҳаллий маиший техникалар учун 18 фоизли истеъмол кредитлари ажратилади
Мутасаддиларга икки ҳафтада тегишли ҳисоб-китобларни тайёрлаб, тижорат банкларига ушбу мақсадлар учун арзон ресурс жойлаштириш бўйича аниқ таклиф киритиш топширилди.
Маҳаллий маиший техника савдосини рағбатлантириш ва аҳолига қулайлик яратиш мақсадида янги молиявий механизм йўлга қўйилади.
Банклар томонидан мамлакатимизда ишлаб чиқарилган музлаткич, кир ювиш машинаси, кондиционер ва бошқа маиший техникалар хариди учун йиллик 18 фоиз ставкада истеъмол кредитлари ажратиш режалаштирилмоқда.
Бу, бир томондан, оилаларнинг замонавий маиший техника харид қилиш имкониятларини кенгайтирса, иккинчи томондан, маҳаллий корхоналар маҳсулотларининг сотувини оширади.
Мутасаддиларга икки ҳафтада тегишли ҳисоб-китобларни тайёрлаб, тижорат банкларига ушбу мақсадлар учун арзон ресурс жойлаштириш бўйича аниқ таклиф киритиш топширилди.
Президентимиз хорижий инвесторлар ва маҳаллий тадбиркорлар билан мулоқотда уларнинг таклиф ва ташаббусларини тинглади.
