Абдусалом Азизов ЎФА президенти сифатида ишини давом эттирмоқда

Давлат хавфсизлик хизмати собиқ раиси Абдусалом Азизов Ўзбекистон футбол ассоциацияси президенти лавозимида фаолиятини давом эттирмоқда.

Бугун Ўзбекистон футбол ассоциациясининг йиллик ҳисоботи сарҳисоб қилиниб, энг яхшилар аниқланди ва улар тақдирланди.

• “Йилнинг энг яхши ҳаками” – Парижда ўтган олимпиаданинг 4 та учрашувида фаолият олиб борган, ОЧЛ финал учрашувида ишлаган Илгиз Танташев.
• “Йилнинг энг яхши аёл ҳаками” – Ўзбекистон кубоги финал учрашувини юқори савияда ўтказган рефери Гулшода Саидқулова.
• “Болалар футболи бўйича йилнинг энг яхши мураббийи” – ЎФА биринчилиги мусобақалари икки карра ғолиби, ўсмирлар терма жамоасига 8 нафар футболчи етказиб берган "Пахтакор" академияси мураббийи Бобур Абдураҳмонов.
• “Йилнинг энг яхши ёш футболчиси” – "Сўғдиёна" жамоаси дарвозабони Муҳаммадюсуф Собиров.
• “Йилнинг энг яхши футзал мураббийи” – футзал терма жаомаси бош мураббийи Нодир Элибоев.
• “Йилнинг энг яхши футзалчиси” – Ҳусниддин Нишонов.
• “Аёллар Олий лигаси тўпурари” – аёллар чемпионатида 41 та гол киритган, "Севинч" жамоаси футболчиси Людмила Карачик.
• “Аёллар Олий лигасининг энг яхши футболчиси” – "Севинч" клуби етакчи футболчиси Мафтуна Шоимова.
• “Аёллар футболи бўйича йилнинг энг яхши мураббийи” – "Севинч" жамоаси бош мураббийи Владислав Хан.
• “Йилнинг энг яхши аёл футболчиси” – Ўзбекистон аёллар миллий терма жамоаси етакчиси Диёра Ҳабибуллаева.
• “Йилнинг энг яхши мураббийи” – Ўзбекистон У-23 терма жамоаси бош мураббийи Тимур Кападзе.
• “Йилнинг энг яхши футболчиси” – Аббосбек Файзуллаев.

Эслатиб ўтамиз, Абдусалом Азизов 23 ноябрда ДХХ раиси лавозимидан кетиб, 4 декабрда президент маслаҳатчиси ўринбосари этиб тайинланганди.