Япония бош вазири лавозимини тарк этади
Фумио Кисида сентябр ойидаги сайловларда иштирок этмаслигини билдирди. У Японияни 2021 йилдан буён бошқариб келаётганди.
Япония бош вазири Фумио Кисида лавозимини тарк этади. Бу ҳақда NHK телекомпанияси хабар берди.
Кисида мамлакатнинг ҳукмрон Либерал-демократик партияси раҳбари сайловида иккинчи муддатга номзодини қўймаслик қарорини маълум қилган.
Бу ҳақда у ўз қароргоҳида бўлиб ўтган матбуот анжуманида айтган.
"Партия ўзгариб бораётганини кўрсатиш учун биринчи ва энг тушунарли қадам - мен ўзим раҳбарликни тарк этишимдир. Мен партия раиси сифатида сайловда қатнашмайман”, - дея таъкидлади Кисида.
Сентябр ойида Японияда партия раислиги учун сайловлар бўлиб ўтади. Партиянинг янги раҳбари мамлакатнинг кейинги бош вазири бўлади.
Кисида бош вазир лавозимида 2021 йил октябрдан бери ишлаб келади. У Ёсихиде Суга ўрнини эгаллаганди. У аввал мудофаа вазири, ташқи ишлар вазири лавозимларида ишлаган.
Аввалроқ Япония бош вазири кучли зилзила хавфи сабаб Ўзбекистонга сафарини бекор қилганди.
