Тошкент шаҳридан чиқишда "даҳшатли пробка"лар вужудга келди

Бугун, 9 апрел куни Тошкент шаҳридан чиқиш йўлларида автомашиналар тирбандликлари вужудга келди. Жумладан, Фарғона водийсига элтувчи "Роҳат" айланаси ва Тошкент-Самарқанд йўлида катта тирбандликлар кузатилмоқда.

Тирбандлик юқори бўлиб, 10 баллгача баҳоланмоқда. 

Маълумотларга кўра, бу пойтахтни тарк этаётганларнинг кўплиги билан боғлиқ. Маълумки, Ўзбекистонда 9-12 апрел кунлари Рамазон ҳайити муносабати билан уч кунлик дам олиш эълон қилинган.