Исроил бош вазири Ғазодаги уруш қачон тугаши мумкинлигини айтди

Исроил бош вазири Бинямин Нетаняху Исроилнинг Ғазо секторидаги уруш қачон якунланиши мумкинлигини айтди. Бу ҳақда у Politico нашрига берган интервюсида гапирди.

Нетаняхунинг иддао қилишича, Исроил ҲАМАСнинг жанговар баталонларининг тўртдан уч қисмини йўқ қилган. Унинг сўзларига кўра, Ғазодаги жанговар ҳаракатлар 1-2 ой ичида якунланади.

“Жанг икки ойдан ортиқ давом этмайди. Балки олти ҳафта, балки тўрт ҳафта”, деди бош вазир.

Эслатиб ўтамиз, 2023 йил 7 октябрдан буён Ғазо секторида уруш давом этмоқда. Исроилнинг ҳудудга кириши натижасида Ғазода мисли кўрилмаган гуманитар инқироз вужудга келди. Оқибатда 30 мингдан ошиқ киши ҳалок бўлди.

Муқаддас Рамазон ойи бошида Исроил хурмоларини бойкот қилиш кун тартибига чиқди.

Бир муддат аввал гуманитар ёрдамни тарқатиш вақтида 100 дан ошиқ инсон ҳалок бўлганди.