АҚШ Исроилга катта миқдорда қуроллар ва бомбалар жўнатмоқчи
Шу билан бирга, Оқ уй бу маълумотга расман изоҳ бермади.
АҚШ маъмурияти Исроил армиясининг арсеналини тўлдириш учун Исроилга янги катта миқдордаги бомба ва бошқа қуролларни юборишга тайёрланмоқда.
Бу ҳақда The Wall Street Journal нашри ўз манбаларига асосланиб хабар берди.
Нашр суҳбатдошларига кўра, кутилажак қурол етказиб бериш нархи ўн миллионлаб долларга баҳоланмоқда. Шундай қилиб, Вашингтон Исроилга мингга яқин МК-82 бомбаларини, KMU-572 юқори аниқликдаги бошқарув тўпламларини ва FMU-139 бомбаларини жўнатмоқчи.
Аноним қолишни маъқул кўрган АҚШ расмийларининг вакили таклиф қилинган етказиб бериш ҳали ҳам АҚШ маъмурияти томонидан кўриб чиқилаётганини ва унинг конфигурацияси ўзгариши мумкинлигини айтди.
Шу билан бирга, Оқ уй бу маълумотга расман изоҳ бермади.
Эслатиб ўтамиз, аввалроқ Исроил кучлари Ғазо сектори жанубидаги Рафаҳ шаҳрига ҳужум бошлаган, биринчи куннинг ўзидаёқ юздан ошиқ киши ҳалок бўлганди. Умумий жанглардан сўнг ҳалок бўлган фаластинликлар сони 30 минг кишига яқинлашмоқда.
Исроил бош вазири Бинянмин Нетаняҳу ҲАМАС гуруҳининг 135 кунлик сулҳ таклифини қабул қилмаган.
