Сурхондарёда ёлланма ишчи бахтсиз ҳодиса қурбони бўлди

Сурхондарё вилояти, Термиз шаҳридаги қурилишлардан бирида ишлаётган фуқаро вафот этди.

Бу ҳақда вилоят Камбағалликни қисқартириш ва бандлик бош бошқармаси буйруғида маълум қилинган. Унда айтилишича, "Эски шаҳар" маҳалласида ишлаётган А.О қурилиши ишлари вақтида вафот этган.

Мазкур ҳодиса юзасидан уч кишидан иборат комиссия тузилган ва бугун, 15 январдан текширув ишлари бошланган.

Эслатиб ўтамиз, бироз аввал Нукус шаҳрида фуқаролар номаълум моддадан заҳарланиб вафот этганди.