Сурхондарёда 5,3 кг “опий” мусодара қилинди
Ҳодиса юзасидан икки киши қўлга олинди. Уларга ушбу гиёҳвандлик воситалари қўшни Афғонистондаги наркокурьерлар томонидан етказиб берилган.
Сурхондарёда 5,3 кг “опий” моддаси мусодара қилинди.
Гиёҳвандлик воситаларининг ноқонуний айланмасига қарши курашиш йўналишида Давлат хавфсизлик хизматининг Сурхондарё вилояти бўйича бошқармаси ходимлари томонидан олиб борилган тезкор-қидирув тадбирлари натижасида катта миқдордаги наркотик модда мусодара қилинди.
Хусусан, ДХХ Чегара қўшинлари ҳамда вилоят Ички ишлар бошқармаси билан ҳамкорликда Термиз туманида ўтказилган тезкор тадбирда жами 5 дона ўрамдаги, умумий оғирлиги 5 кг 362 гр бўлган “опий” моддасини шартли харидорга сотаётган вақтида Термиз шаҳрида яшовчи, 1972 ва 1995 йилларда туғилган 2 нафар фуқаро ушланди.
Уларга ушбу гиёҳвандлик воситалари қўшни Афғонистондаги наркокурьерлар томонидан етказиб берилган.
Таъкидлаш лозим, мазкур шахсларнинг бири муқаддам ўғрилик, иккинчиси эса гиёҳвандлик воситалари билан боғлиқ жиноят содир этганликлари учун судланган.
Ҳолат юзасидан қонунбузарларга нисбатан жиноят иши қўзғатилиб, тергов ҳаракатлари олиб борилмоқда.
