Тошкентда гиёҳвандлик моддаларини тарқатган эр-хотин қўлга олинди
Сергели туманида Spark автомобилида "закладка" усулида гиёҳвандлик моддаларини тарқатиб келган эр-хотин ва уларнинг шериги ушланди.
Тошкентда гиёҳвандлик моддаларини тарқатган эр-хотин ушланди.
Сергели туманида Spark автомобилида "закладка" усулида гиёҳвандлик моддаларини тарқатиб келган эр-хотин ва уларнинг шериги қўлга олинган. Улардан 50 та ўрамда "гашиш" топилган. Ижарадаги хонадонида эса яна 450 грамм "гашиш" ва 100 грамм "мефедрон" аниқланган.
Тошкент вилоятининг Қибрай туманида ҳам "закладчик" сифатида фаолият юритган шахс аниқланган. Унинг автомобилидан "гашиш" топилган.
Шунингдек, Мирзо Улуғбек туманида интернет-автодўконни бошқарган шахс ва унинг шериги ҳам қўлга олинган. Уларнинг хонадонидаги иккита пластик идишдан 2 кг "опий" ва 40 грамм "гашиш" топилган.
Ҳолатлар юзасидан жиноят ишлари қўзғатилган.
