"Афғонистонда вазият яхшиланди деб ишонч билан айта олмаймиз" — божхона қўмитаси вакили
Божхона қўмитаси вакилига кўра, ҳозирда гиёҳванд модддалар бўйича биронта йўналишни хавфсиз деб бўлмайди. Синтетик гиёҳванд моддалар бозори ҳам кучайиб бормоқда.
Божхона қўмитаси матбуот котиби Ҳусан Тангриевнинг айтишича, Афғонистондан Ўзбекистонга кўп миқдорда наркотик моддалар олиб киришга уринишлар давом этмоқда.
Жорий йилда афғон қозонлари ичида бир неча юз килограмм гашиш олиб киришга уриниш аниқланган.
Ўтган йили эса 612 килограмм гиёҳвандлик моддалари супурги дастаклари ичига яширилган ҳолда олиб кирилишига уриниш бўлган.
Божхона қўмитаси вакилига кўра, ҳозирда биронта йўналишни хавфсиз деб бўлмайди.
"Аввал хавф қаердан келишини билардик. Ҳозир вазият ундай эмас. Масалан Германиядан 6 кг синтетик гиёҳванд модда бокс қўлқопларида юборилган. Мефедрон моддаси бир дозаси 0,02 мг бўлади. 6 кг миқдор ўн минглаб одамларри заҳарлаши мумкин" —дейди Ҳусан Тангриев.
