Нукусда фуқаролар номаълум моддадан заҳарланди, қурбон бор
Мазкур ҳодиса юзасидан комиссия тузилган.
Жамият
8 январь, 10:03
Нукус шаҳрида икки нафар фуқаро номаълум этиологияли модда таъсирида заҳарланган ва улардан бири вафот этган. Бу ҳақда 6 январ куни эълон қилинган Нукус шаҳар ҳокими қарорида айтилади.
"Нукус шаҳрида содир бўлган бахтсиз ҳодиса сабабларини текшириш ва оқибатларини бартараф этиш тўғрисида"ги қарорга кўра, комиссия тузилди.
Комиссия воқеа жойига чиқиб, унинг сабабларини ўрганади, мутахассисларни жалб этиб, улардан ёзма хулосалар олади.
Шунингдек, фуқароларнинг ўзини ўзи бошқариш органлари орқали телевидение орқали махсус кўрсатувлар, радиоэшиттиришлар ва давр суҳбатлари ташкил этилади.
Олдинроқ Фарғонада бир оиланинг тўрт аъзоси ис газидан заҳарланиб вафот этганди.
