Тошкентда газ босими пасайди, таъминот 2–3 соатда тикланади
Айни пайтда Тошкентга газ етказиб берувчи қувурларнинг кириш нуқталарида босим оширилган.
Тошкентда газ босими пасайди, таъминот 2–3 соатда тикланади.
Энергетика вазирлиги хабарига кўра, пойтахтда газ босимининг пасайиши билан боғлиқ ҳолатни бартараф этиш учун тезкор чоралар кўрилган.
Айни пайтда Тошкентга газ етказиб берувчи қувурларнинг кириш нуқталарида босим оширилган. Яқин 2–3 соат ичида газ тақсимлаш тармоқларида босим босқичма-босқич кўтарилиб, истеъмолчилар таъминоти меъёрга келиши маълум қилинди.
Вазирлик аҳолини газ жиҳозларининг созлигини текширишга ва хавфсизлик қоидаларига риоя қилишга чақириб, юзага келган ноқулайликлар учун узр сўради.
