Тошкентда газ таъминоти ходими ушланди
У тадбиркордан газ таъминоти лойиҳа ҳужжатларини расмийлаштириб бериши эвазига 2 200 АҚШ доллари олган.
Тошкентда табдиркорга газ таъминоти лойиҳа ҳужжатларини тайёрлаб беришни ваъда қилган газ таъминоти ходими ушланди.
Бош прокуратура ҳузуридаги Департаментнинг Янгиҳаёт тумани бўлими томонидан терговга қадар текширув ўтказилди. Унда “Сергелитумангаз” газ таъминоти маҳаллада ишлаш хизмати газчиси А.Э. “N.T.” МЧЖ раҳбари Р.М.нинг ишончига кириб, танишлари ёрдамида корхона учун газ таъминоти лойиҳа ҳужжатларини расмийлаштириб бериши эвазига 2 200 АҚШ долларини фирибгарлик йўли билан олган.
Сўнг пулларни ўз эҳтиёжлари учун сарфлаб юборганлиги аниқланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
