Сирдарёдаги йирик ўғрилик ортидан икки киши ушланди
Бу ҳақда Бош прокуратура хабар берди.
Сирдарёдаги заправкада 62,5 млрд. сўмлик газ ўғирланиши сабаб икки мансабдор ушланди. Бу ҳақда Бош прокуратура хабар берди.
“Б. М.” МЧЖ мансабдор шахслари ва бошқалар жамиятга қарашли Боёвут тумани "Беруний" маҳалласида жойлашган автомобилларга газ тўлдириш компрессор шохобчасида тижорат мақсадларида ноқонуний даромад орттиришни кўзлашиб, ҳисоблагич приборидан ташқари газ тармоғига тўғридан-тўғри ўзбошимчалик билан улашиб, ноқонуний равишда 62,5 млрд. сўмлик 41 млн 666 минг метр табиий газни ўғирлашганлиги аниқланди.
Ҳолат юзасидан “Б. М.” МЧЖ мансабдор шахслари ва бошқаларга нисбатан Жиноят кодексининг 169-моддаси 4-қисми билан жиноят иши қўзғатилиб, 2 нафар шахс процессуал тартибда ушланди" дейилади маълумотда.
Эслатиб ўтамиз, бир неча кун аввал “Ўзэнергоинспексия” томонидан Давлат хавфсизлик хизмати ва Ички ишлар вазирлиги билан ҳамкорликда ушбу заправкада 62 млрд 488 млн сўмлик табиий газдан ноқонуний фойдаланилгани аниқланганди.
