Қорабоғда ёқилғи ортилган машина портлади, қурбонлар кўп

Тан олинмаган Қорабоғ Соғлиқни сақлаш вазирлиги хабарига кўра, ҳудудда ёқилғи ташувчи юк машинасининг портлаши оқибатида 20 киши ҳалок бўлди. Яна 290 киши яраланиб, шифохоналарга етказилган.

“290 нафар жабрланувчи турли даражадаги куйишлар билан тиббий марказларга ётқизилди. Етти киши касалхонада вафот этди. 13 нафар жасаднинг шахси аниқланмаган. Ўнлаб одамларнинг аҳволи ўта оғир”, — дея ёзмоқда ОАВ Соғлиқни сақлаш вазирлиги маълумотларига асосланиб.

Aрманистоннинг “Aрменпресс” агентлиги кўп сонли бедарак йўқолганлар ҳақида хабар қилган. 

Кеча, 25 сентябр куни Хонкенди-Aскеран автомобил йўлидаги ёқилғи қуйиш шохобчасида ёқилғи ортилган ёнилғи юк машинаси портлаб кетди. Ёқилғи қуйиш шохобчаси минтақадан чиқиб, Aрманистонга кетаётганларни бензин билан таъминлаган. Дастлаб 200 нафар жабрланганлар ҳақида хабар берилган эди. 

Эслатиб ўтамиз, 19 сентябр куни Озарбайжон Қорабоғда аксилтеррор операцияни эълон қилди. Натижада тан олинмаган республика таслим бўлди. Оқибатда ҳудуддаги кўплаб этник арманлар Арманистонга кўчиб кета бошлади.