Балиқчи туманидаги катта бозор ёниб кетди

Андижон вилояти, Балиқчи туманидаги бозорда йирик ёнғин юз берди.

Вилоят ҳокимлиги матбуот хизматига кўра, содир бўлган ёнғинни ўчириш ҳаракатлари олиб борилмоқда. 

Айни дақиқаларда ФВБнинг ўт ўчирувчи техникалари ва гуруҳлари ҳодиса жойига етиб борган. 

Сўнгги хабарларга кўра, ёнғин тўлиқ ўчирилди. Куйган ёки бошқа турда жароҳат олган ва қурбонлар йўқ. Ҳозирда зарарларни аниқлаш ва ҳодиса оқибатида юзага келган ҳолатларни бартараф этиш ишлари бошланган.

Эслатиб ўтамиз, аввалроқ Наманган, Хива, Қўқон ва Бухородаги бозорларда ҳам йирик ёнғинлар кузатилганди.