Сирдарёда учта лойиҳа учун миллиардлар сарфланади
Шунингдек, яна бир фармойиш билан ушбу туманга 500 миллион сўм ажратилди.
Сирдарё вилояти ҳокими Акмал Маҳмудалиев Боёвут тумани, Тинчлик МФЙ ҳудудини обод қилиш, кўкаламзорлаштириш ва бошқа харажатлар учун бир миллиард сўм ажратди.
Шунингдек, яна бир фармойиш билан ушбу туманга 500 миллион сўм ажратилди. Бу пул туманни ижтимоий-иқтисодий ривожлантириш ва аҳолига қулай яшаш шароитларини яратишга сарфланиши маълум қилинган. Маблағ вилоят маҳаллий бюджетининг эркин қолдиқ маблағлари ҳисобидан олинади.
Шунингдек, вилоятда хусусий шериклик асосида иситиш тизимига ўтаётган ижтимоий соҳа тизимини модернизация қилиш боғлиқ лойиҳа-смета ҳужжатларини ишлаб чиқиш ва экспертизадан ўтказиш харажатларига бир миллиард сўм ажратилади.
Аввалроқ Бухоро вилояти ҳокими Ботир Зарипов вилояти маъмурий-ҳарбий секторининг "Йўл харитаси"га киритилган тадбирларни молиялаштириш учун икки миллиард сўм маблағ ажратганди.
