Бухоро вилояти ҳокими бюджетдан икки миллиард ажратди
Қоракўл ва Ромитан туманларидаги ҳарбий взводларнинг маъмурий биноларини қуриш учун 500 миллион сўмдан берилади.
Иқтисод
19 август 2023 йил
Бухоро вилояти ҳокими Ботир Зарипов вилояти маъмурий-ҳарбий секторининг "Йўл харитаси"га киритилган тадбирларни молиялаштириш учун икки миллиард сўм маблағ ажратди.
Бу ҳақда ҳокимнинг фармойиши эълон қилинди.
Жумладан, Когон туманида жойлашган ҳарбий-дала машқ майдонини асфалтлаштириш ва шағаллаштириш учун бир миллиард сўм ажратилади.
Шунингдек, Қоракўл ва Ромитан туманларидаги ҳарбий взводларнинг маъмурий биноларини қуриш учун 500 миллион сўмдан берилади.
Аввалроқ Тошкент шаҳар ҳокими айрим фуқароларнинг дастлабки бадал пулларини қоплаш ва субсидия ажратиб бериш учун жами 74,2 млрд. сўм ажратганди.
