Путин ҳам Шавкат Мирзиёевни табриклади

Россия президенти Владимир Путин Ўзбекистон раҳбари Шавкат Мирзиёевни туғилган куни билан табриклади.

Табрик матни Кремл расмий сайтида эълон қилинган. 

"Сиз Ўзбекистон фуқаролари орасида ғоят юксак обрў-эътиборга эгасиз, буни яқинда бўлиб ўтган Президент сайлови якунлари ҳам тўлиқ тасдиқлади. Сизнинг раҳбарлигингизда мамлакатимиз иқтисодий ва ижтимоий тараққиёт йўлидан ишонч билан олға бормоқда, ўз манфаатларини жаҳон миқёсида самарали ҳимоя қилмоқда.

Сиз мамлакатларимиз ўртасидаги стратегик шериклик ва иттифоқчилик муносабатларини, турли соҳалардаги самарали икки томонлама ҳамкорликни мустаҳкамлашга катта шахсий ҳисса қўшяпсиз.

Мен муносабатларимизни юқори баҳолайман. Икки томонлама, минтақавий ва халқаро кун тартибидаги долзарб масалалар бўйича ҳамкорликни давом эттирамиз" дейилади табрик матнида.

Эслатиб ўтамиз, бугун Шавкат Мирзиёев 66 ёшни қарши олмоқда, бироз аввал Туркманистон президенти Ўзбекистон раҳбарини табриклаганди.