"Ўзавтосаноат"нинг савдога жавобгар ўринбосари ишдан олинди

“Ўзавтосаноат” АЖ Бошқарув раисининг савдони ривожлантириш ва маркетинг бўйича ўринбосари Таджиев Сардор Убайдуллаевич лавозимидан озод этилди. 

Бу ҳақда Platina.uz манбаси хабар берди.

Аввалроқ UzAutoMotors сайти киберҳужумга учрагани хабар берилганди.

Таъкидлаш керакки, 22 декабр куни Chevrolet Cobalt, Damas ва Labo  автомобиллари учун контрактация очилганди.  Аммо онлайн тарзда амалда шартнома расмийлаштиришнинг иложи бўлмади.

Бугун, 25 декабр соат 14дан машиналарга яна онлайн шартнома очилгани айтилди. Аммо маълумотларга кўра, техник носозликлар давом этмоқда.