Таълим ва илм-фан вазирига уч ўринбосар тайинланди
Ойбек Йўлдошев вазирнинг биринчи ўринбосари лавозимига тайинланди. Тайинловга қадар у “PwC Uzbekistan” компаниясининг Давлат сектори, инфратузилма ва ESG бўйича консалтинг амалиёти директори сифатида фаолият юритган.
Ўзбекистон Республикаси Президентининг тегишли қарори билан Таълим ва илм-фан вазирлигида қатор кадрлар тайинловлари амалга оширилди.
Жумладан, Йўлдошев Ойбек Беҳзодович – Таълим ва илм-фан вазирининг биринчи ўринбосари лавозимига тайинланди.
Тайинловга қадар у “PwC Uzbekistan” компаниясининг Давлат сектори, инфратузилма ва ESG бўйича консалтинг амалиёти директори сифатида фаолият юритган.
Ўзбекистон Республикаси Президентининг тегишли қарори билан Пардаева Меҳринисо Дониёровна – Таълим ва илм-фан вазири ўринбосари лавозимига тайинланди.
Тайинловга қадар у Таълимни ривожлантириш республика илмий-методик маркази бошқарма бошлиғи сифатида фаолият юритган.
Мирзалиев Санжар Маҳаматжан ўғли – Таълим ва илм-фан вазири ўринбосари лавозимига тайинланди.
Тайинловга қадар у Беларусь–Ўзбекистон қўшма тармоқлараро амалий техник квалификациялар институтининг ижрочи директори сифатида фаолият юритган.
