Жиззахда бюджетдан қарийб 2 млрд. сўм ажратилди

Халқ депутатлари Жиззах вилояти кенгаши турли мақсадлар учун бюджетдан 1,8 млрд. сўм ажратишни маъқуллади. 

Қарор кеча, 19 декабр куни эълон қилинган. 

Ушбу маблағ Жиззах шаҳрини ижтимоий-иқтисодий ривожлантириш мақсадлари, ҳудудни ободонлаштириш ва кўкаламзорлаштириш ишлари, кредиторлик қарзларини қоплаш мақсадида ишлатилади. 

Давлат молиявий назорат инспекцияси вилоят бошқармаси пулларнинг  мақсадли сарфланишини назорат қилади.

Аввалроқ Тошкент вилоятида Янги йил арчаси учун 700 миллион сўм сарфланиши маълум бўлганди.