Метрода топиб олинган 10 минг доллар эгасига қайтарилди
Қозоғистон фуқароси автомобил харид қилиш мақсадида Қўйлиқ бозори метро бекатидан Сергелига кетаётганда сумкасидан 10 минг АҚШ доллари бўлган пакет тушиб қолган.
Тошкент метрополитенида хизмат олиб бораётган ички ишлар органлари ходимлари 10 минг АҚШ доллари миқдоридаги пулни топиб олиб, эгасига қайтарди, дейилади ИИВ эълон қилинган видеода.
Маълум бўлишича, Қозоғистон фуқароси автомобил харид қилиш мақсадида Қўйлиқ бозори метро бекатидан Сергелига кетаётганда сумкасидан 10 минг АҚШ доллари бўлган пакет тушиб қолган.
Фуқаро пул йўқолганини автомобиль бозорига етиб боргач билган. Шу вақтда метро ҳудудида хизмат вазифасини бажараётган Метрополитенда хавфсизликни таъминлаш бошқармаси ходими пул маблағларини топиб олган.
Ўтказилган зарур текширув ва аниқлаш ишлари, жумладан, Face ID орқали олиб борилган қидирув натижасида пулнинг қонуний эгаси аниқланган. 10 минг АҚШ доллари белгиланган тартибда тўлиқ эгасига қайтарилган.
Фуқаро ички ишлар органлари ва метро ходимларига миннатдорлик билдирди.
