"Метро раҳбарининг ойлиги 652 миллион сўм эмас"— Йўлдош Юсупов
Айтилишича, бу пуллар раҳбарнинг соғлиғи билан боғлиқ ҳолат сабаб, жамоавий шартномада кўзда тутилган тартибда, соғлиғини тиклаш учун бир йил давомида қайтариш шарти билан берилган пул ҳисобланади.
Тошкент метрополитени раҳбари трансфорация ва молия масалалари бўйича ўринбосари Йўлдош Юсупов тармоқларда тарқалган хабарни, яъни метро раҳбарининг ойлиги 652 миллион сўмлигини рад қилди.
Унинг айтишича, бу маблағлар раҳбарнинг соғлиғи билан боғлиқ ҳолат бўлганлиги учун жамоавий шартномада кўзда тутилган тартибда, соғлиғини тиклаш учун бир йил давомида қайтариш шарти билан берилган пул ҳисобланади.
“Бу ойлик иш ҳақи эмас. Ваҳоланки, бу йил давомида қайтариш шарти билан берилган маблағдир”, — дейди у. Шунингдек, раҳбар ўринбосари “Метрополтен” АЖ'даги непотизм, яъни жамият таркибидаги қариндош-уруғчиликни ҳам рад қилди.
“Метрополитенда учта авлод вакиллари, яъни бобо, бобоси, адаси, ўзининг ишлаш ҳолатлари бугунги кунда мавжуд ва бу ҳолатлар бир-бирига тааллуқли бўлмаган йўналишларда фаолият олиб боради. У ўша комиссиявий ўрганилганда ҳам хулосалари мавжуд. Бўлиши мумкин, қайсидир ҳолатда, қайсидир жойда, бир хил пайтда, бир жойда ишлаган бўлиши мумкин. Лекин сизлар айтиб ўтгандек, қариндош-уруғчилик, яъни битта оила вакиллари ҳамда битта оила вакилларининг бир жойда, яъни бир-бирига топшириқ берадиган ҳамда манфаатли жойларда ишлаши мавжуд эмас”, — деди Йўлдош Юсупов.
