Ўғирланган пулларнинг банки маълум бўлди

Universalbank банк карталарида бир неча миллион сўм пуллар ўғирланганини банк ахборот хизмати тасдиқлади.

Айтилишича, банк киберхавфсизлик маркази ушбу ҳодисани текширмоқда.

Банк хабарига кўра, анти-фрод тизимида муаммолар чиққан, банк Unired иловасидаги барча жараёнларни вақтинчалик тўхтатган. Бир неча юз миллион сўм музлатилган.

Аввалроқ 11 ноябрга ўтар кечаси ва эрта тонгда айрим фуқароларнинг банк карталаридан катта миқдордаги пуллар ғойиб бўлгани ҳақида хабарлар тарқалганди.

Марказий банк ва HUMO тўлов тизими банк карталаридан катта миқдорда пуллар ўғирлангани ҳақидаги хабарларни рад этганди.