Фирибгарликда айбланган шахс Туркиядан Ўзбекистонга келтирилди
У фуқароларнинг ишончига кириб, ҳамкорликда бизнес қилиш таклифи билан катта миқдордаги маблағни ўзлаштиришда гумонланган.
Фирибгарликда гумонлаётган яна бир ўзбекистон фуқароси Туркияда қўлга олиниб, ватанга қайтарилди. Бу ҳақда Ўзбекистоннинг Истанбулдаги Бош консулхонаси хабар берди.
Маълум қилинишича, қидирувда бўлган ушбу фуқаро 1991 йилда туғилган М.Н. бўлиб, фуқароларнинг ишончига кириб, ҳамкорликда бизнес қилиш таклифи билан катта миқдордаги маблағни фирибгарлик йўли билан қўлга киритишда гумонланмоқда.
Мазкур ҳолат юзасидан Жиноят кодексининг 168-моддаси (фирибгарлик) 3-қисми билан жиноят иши қўзғатилган.
