Исроил бош вазири Ғазо келажаги қандай бўлишини айтди

Исроил ҲАМАСни мағлуб этгандан сўнг Ғазо секторини эгаллаш, босиб олиш ёки ҳукмронлик қилиш ниятида эмас, лекин керак бўлса, жангарилар таҳдидининг олдини олиш учун “ишончли кучлар” анклавга кириши керак, дейди Исроил бош вазири Бенямин Нетаняху.

Нетаняху Fox News телеканалига берган интервюсида: “Биз Ғазони босиб олишга, бошқаришга интилмаяпмиз. “Ўйлайманки, Ғазонинг келажаги қандай бўлиши аниқ: бу жанг охирида ҲАМАС бўлмайди, биз нафақат ўзимиз учун, балки ҳамма учун, цивилизациялар учун, фаластинликлар ва исроилликлар учун ҲАМАСни йўқ қиламиз. Биз Ғазони қуролсизлантириш, дерадикализация ва қайта қуришни кўришимиз керак ва буларнинг барчасига эришиш мумкин" дея баёнот берди. 

Бош вазир Нетаняхунинг Исроил Ғазо хавфсизлиги учун маълум муддатгача масъул бўлади деган сўзлари асосий иттифоқчи  АҚШнинг норозилигига сабаб бўлди.

Вашингтон Ғазонинг урушдан кейинги ишғолига қарши чиқди ва анклавни фаластинликлар бошқариши кераклигини айтди.

Нетаняхунинг айтишича, Ғазода ҳукумат тузилиши керак, бироқ Исроил 7 октябрдаги ҳужум такрорланмаслиги учун ҳаракат қилади. 

Аввалроқ АҚШ президенти Жо Байден Исроил бош вазири Бинямин Нетаняхудан Ғазо секторидаги жангларни вақтинча тўхтатишни сўрагани ва рад жавобини олгани маълум бўлганди.