Ҳушини йўқотиб, шифохонага тушган Исроил бош вазири операция қилинди
Нетаняху айни дамда 73 ёшда бўлиб, 2022 йилда учинчи бор бош вазирлик курсисини эгаллаганди.
Исроил Бош вазири Бинямин Нетаняху юрак жарроҳлигини бошидан ўтказди, операция давомида унга юрак стимулятори ўрнатилди. Бу ҳақда у ўзининг Твиттер саҳифасида маълум қилди.
У ўзини жуда яхши ҳис қилаётганини ва 24 июл куни эрталаб ўз ҳамкасблари, Кнессет аъзолари билан биргаликда суд-ҳуқуқ ислоҳоти тўғрисидаги қонун лойиҳасини ишлаб чиқишини таъкидлади.
“Биз [янги] қонунни консенсус орқали юқорига олиб чиқишга ҳаракат қилишда давом этамиз”, — деди Нетаняху.
Бунгача Исроил бош вазири Бинямин Нетаняхуга юрак стимулятори ўрнатиш бўйича операция муваффақиятли ўтгани ва унинг аҳволи яхши дея баҳолангани маълум бўлган эди.
Эслатиб ўтамиз, 15 июл куни Нетаняху кутилмаганда уйида йиқилиб тушиб ҳушини йўқотган, сўнгра тиббий марказга ётқизилганди.
Нетаняху айни дамда 73 ёшда бўлиб, 2022 йилда учинчи бор бош вазирлик курсисини эгаллаганди.
