Шавкат Абдураззоқов Янгиқўрғон туманига 5,7 млрд сўм ажратди

Наманган вилояти ҳокими Шавкат Абдураззоқовнинг фармойиши билан Янгиқўрғон тумани ҳокимлигига 5 млрд 797 млн сўм ажратилди. Фармойиш 2025 йил 26 март куни эълон қилинган.

Пул вилоят ҳокимлиги ҳузуридаги “Жисмоний ва юридик шахсларга етказилган мулкий зарарларни компенсатсия қилиш бўйича мақсадли жамғарма” маблағлари ҳисобидан берилади.

Янгиқўрғон тумани ҳокими маблағларни тўғри ва мақсадли сарфланиши ва ортиб қолганини жамғармага қайтариш чораларини кўради.

Фармойиш ижросини назорат қилиш вилоят ҳокими ўринбосари Ғ. Жамалов зиммасига юкланган.

Аввалроқ вилоятда турли харажатлар учун 19 млрд сўм ажратилганди.