Фарҳод Умаров Ғиждувон тумани ҳокими этиб тайинланди
У “Ғиждувон” эркин иқтисодий зонаси дирекцияси директори вазифасида ишлаб келаётганди. Унгача туманни Шерзод Ашуров бошқарган.
Фарҳод Умаров Ғиждувон тумани ҳокими лавозимини эгаллади.
Халқ депутатлари Ғиждувон тумани Кенгашининг навбатдан ташқари сессияси бўлиб ўтди. Сессияда ташкилий масала кўриб чиқилди.
“Ғиждувон” эркин иқтисодий зонаси дирекцияси директори вазифасида ишлаб келаётган Умаров Фарҳод Бақоевич номзодини Ғиждувон тумани ҳокими этиб тайинлаш тўғрисидаги вилоят ҳокимининг қарори ўқиб эшиттирилди.
Фарҳод Умаров меҳнат фаолиятини Бухоро иқтисодиёт ва банк коллежи ўқитувчилигидан бошлаб, Бухоро шаҳар молия бўлими ва вилоят молия бошқармасидаги раҳбарлик лавозимларида самарали ишлаган. 2015-2017 йилларда Ўзбекистон Республикаси Олий Мажлиси Қонунчилик палатаси депутати бўлган.
2017-2021-йилларда вилоят ҳокимининг биринчи ўринбосари ва 2021-2024-йилларда Вобкент тумани ҳокими лавозимларида фаолият кўрсатган.
2021 йилдан шу кунгача туманни Шерзод Ашуров бошқарганди.