Ўзбекистон Россияга: "Ички ишларга аралашмаслик тамойили муҳим"

Ўзбекистон Ташқи ишлар вазирлиги раҳбари Бахтиёр Саидов Нью-Йоркда Россия ТИВ раҳбари Сергей Лавров билан учрашди.

Учрашувда, жумладан, стратегик шерикликнинг долзарб мавзулари, шунингдек, бўлажак олий ва юқори даражадаги тадбирларга тайёргарлик кўриш юзасидан атрофлича суҳбат ўтказилган.

“Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳимлиги таъкидланди. 
Биз иттифоқчилик руҳидаги доимий мулоқотимизни давом эттиришга келишиб олдик”, – дейди Саидов.  

Эслатиб ўтамиз, Тошкент шаҳри Чилонзор тумани 188-мактабдаги вазият юзасидан айрим россиялик  расмийлар турли чиқишлар қилиб келаётган ва бу ўзбекистонлик ижтимоий фаол фуқароларнинг эътирозларига сабаб бўлди.