Қашқадарёда сой кечиб мактабга борадиган болалар учун кўприк қурилади
Кўприкни бир ой ичида қуриб, фойдаланишга топшириш режалаштирилмоқда.

Қашқадарёда сой кечиб мактабга борадиган болалар учун кўприк қурилади.
Деҳқонобод туманидаги Жингил қишлоғида 84-мактаб ўқувчилари сойдан кечиб мактабга боришга мажбур бўлаётгани акс этган видео ижтимоий тармоқларда муҳокамаларга сабаб бўлганди.
Масъуллар муаммони ўрганиб, ҳудудда 50–60 метр узунликдаги осма пиёдалар кўприги қуришга қарор қилди.
Кўприкни бир ой ичида қуриб, фойдаланишга топшириш режалаштирилган.
Бир неча кун аввал Қашқадарёда ота-оналар болаларни мактабга олиб бориш учун дарёдан кўтариб ўтаётгани видеоси тарқалганди.
Вилоят ҳокимлиги масъуллар томонидан муаммонинг доимий ечимини топиш юзасидан тегишли ишлар олиб борилаётганини билдирган.





