Арманистонда журналист ва сиёсатшунос жонли эфирда муштлашиб кетишди
"Она Арманистон" мухолифат ҳаракати вакили Борис Мурази ва сиёсатшунос Ҳарутюн Мкртчян Жамоатчилик телевидениесидаги "Катта мунозара" дастурида уришиб кетдилар. Бошловчилар кўрсатувни тўхтатиб, хавфсизлик ходимларини чақиришга мажбур бўлди.

Арманистонда журналист ва сиёсатшунос жонли эфирда муштлашиб кетишди. Оммавий ахборот воситалари жанжал лавҳаларни тарқатмоқда.
"Она Арманистон" мухолифат ҳаракати вакили Борис Мурази ва сиёсатшунос, бош вазир Никол Пашиняннинг тарафдори Ҳарутюн Мкртчян Жамоатчилик телевидениесидаги "Катта мунозара" дастурида жанжаллашишни бошладилар. Дастур жонли эфирда намойиш этилди. Мунозара давомида иштирокчилар ўртасида ўзаро ҳақорат ва таҳдидлар билан бирга жанжал келиб чиқди.
Кейин можаро жанжалга айланди. Эркаклар ўриндиқларидан сакраб, муштлашишди. Ҳодиса Арманистон мухолифат кучларининг сиёсий кун тартиби муҳокамаси пайтида содир бўлди.
"Катта мунозара" дастурида меҳмонлар ўртасида жанжал бошланганидан сўнг, бошловчилар кўрсатувни тўхтатдилар ва хавфсизлик ходимлари студияга киришди.
Эслатиб ўтамиз, октябрь ойи охирида Арманистон Миллий Ассамблеясида ҳукмрон "Фуқаролик шартномаси" партияси аъзолари ва мухолифатдаги "Кучли Арманистон" фракцияси аъзолари ўртасида оммавий муштлашув бўлиб ўтганди.





