Самарқандда ҳаракатланаётган "JETOUR X70" ёниб кетди
Ёнғин-қутқарув экипажлари зудлик билан воқеа жойига етиб бориб, ёнғинни тўлиқ бартараф этган. Ҳодиса оқибатида жароҳат олганлар йўқ.
Самарқанд туманида ҳаракатланаётган "JETOUR X70" автомобили ёниб кетди. Бу ҳақда Самарқанд вилояти ФВБ хабар берди.
Бугун, 15 ноябрь куни Самарқанд тумани "Бўзи" МФЙ, ички йўлида ҳаракатланаётган "JETOUR X70" русумли автомобилда ёнғин содир бўлгани ҳақида вилоят ФВБга хабар келиб тушган.
Хабарга асосан, ёнғин-қутқарув экипажлари зудлик билан воқеа жойига етиб бориб, ёнғинни қисқа фурсатда тўлиқ бартараф этган.
Ҳодиса оқибатида жароҳат олганлар йўқ.
